Asunción, Agencia IP.- Ko árape voi, 25 kamiõ ogueraháva 360.000 litro y osẽ Fuerzas Armadas-gui ohóta Chaco-pe. Mburuvichavetẽ Santiago Peña oho upépe, ha he’i umi institución kuera oipytyvõta umi oikóva Chákope ohupytýva chupekuéra séka pukukue.
Mburuvichavetẽ Santiago Peña oime kuri umi kamiõ osẽ jave. Omomba’eguasu tembiapo kakuaa ojapóva umi institución kuéra oipytyvõ hag̃ua umi oikóva región Occidental-pe ohupytýva chupekuéra séka.
Avei, he’i Cháko ohasa vai hína ndoguerekói haguére y, ha ha’e peteĩ apañuãi heta paraguayo kuéra ohasáva.
“Roipytyvõta umi ore compatriota kuéra Chákope, rotopa jave peteĩ solución permanente”, he’i.
Mburuvichavetẽ omomandu’a avei oĩha mbarete joajúpe ha he’i jey hi’aguyje mayma entidad oiméva operativo-pe.
“Aguyjevete ñande fuerza militar kuéra Ejército rehegua, aguyjevete peẽme ko pytyvõme peme’ẽ hína oréve, avei ombopyahúvo pe ñe’ẽme’ẽ umi tapicha ndive”. Ome’ẽ chéve tuicha satisfacción ha orgullo ha omokyre’ỹ chéve roipytyvõ hag̃ua (umi institución kuéra) ha ore compatriota kuéra ohasa asýva oikotevẽ haguére y ikatúva ojehoy’u”, he’i Mburuvichavetẽ.
Avei, ome’ẽ hiaguyje sector privado-pe oipytyvõ haguére, péicha avei omomba’eguasu tembiapo ojejapóva sector público ndive ikatuha ombovevúi ndaipóri y Chákope.
Ko medida emergencia rehegua ojepysóma heta arapokõindy pukukue, umi kamiõ ogueraháva y ndive Chákope, hetaveva ha’e umi ore ypykuéra g̃uarã.
Acueducto Chákope rehegua ndojepuruvéima, Mburuvichavetẽ he’i upépe oĩha “millones de dólares ojeinvertíva’ekue”, upearã oñemba’apóta oiko jey hag̃ua, ha ko’ãga ojejapóma estudios kuéra upéva rupi.