Asunción, Agencia IP.- Tesãi ha Teko Porãve Motenondeha (MSPBS) omomandu’a heta accidente ha siniestro vial ikatu ojejoko oñeñangareko ramo tránsito-pe, ha ojeipuru arã umi medida de protecciónha’eháicha cinturón ha casco.
Mantérei inconciencia, irresponsabilidad ha ndaipóri ramo tekombo’e vial omoñepyrũ hikuái accidente de tránsito vai, omoheñóiva herido ha omanóva avei.
Sa’i ojekuaa tekombo’e seguridad vial rehegua, ha upéare heta umi orekóva kamiõ omboykéva umi elemento protector jeporu, ha’eháicha casco térã cinturón de seguridad. Péva omopyenda peteĩ factor de riesgo predominante oñemaneha jave.
Umi motociclista kuéra oipuru arã casco, ombojoko haguére 70% umi lesión ikatúva oporojuka, ha ombojoko 85% ojeheja ndéve secuela umía. Avei, cinturón umi kamiõpe. Umi peatón kuéra katu oñangareko arã hesekuéra oguata ramo tapépe.
Oĩ recomendación ani haguã oñembyasy umi lesión térã omanóvo accidente de tránsito rupive:
- Ani reiko pya’eterei, ehecha umi límite velocidad.
- Ani reiko kamiónpe re’u ramo alcohol, droga térã sedante.
- Reheja pa’ũ pe kamiõ oĩva tenonde.
- Reñatende semáforo kuéra ha pe indicación ome’ẽva agente umía ha cartel kuéra.
- Ani reipuru nde celular remaneha jave.
- Reipurúke cinturón, ha ere opa umi ohóva nendive toipuru avei.
- Mitãnguérape guarã remoĩ arã umi dispositivo sujeción.
- Reripurúke avei casco ha chaleco reflectivo.
- Rehechápa nde kamiõ omba’apo porãpa: luz, freno ha neumático kuéra.
- Rejapo arãmantenimiento mecánico reviaha mboyve. Egueraháke nde baliza, extintor, rueda repuestorehegua ha botiquín.
- Remoĩ peteĩ réra ha número teléfono rehegua ikatúva ojehenói oiko ramo ndéve peteĩ emergencia.
- Ani remboguata ndekane’õ térã rekese aja.
- Reho ramo tapeguasúpe, remyandy arã nde luz (luz michĩva ára jave).
- Reñatendéke umi maniobra rejapo remboguata jave.
- Reñatendéke umi peatón, ikatúva ha’e mitã, adulto mayor térã tapicha ikatupyry ambuéva.
- Remoĩ porã arã nde kamiõ tapeguasu ári, umi banquina ári, ha emoĩ arã umi elemento señalización.
- Erekóke opaite kuatia oñeikotevẽva oñemboguata haguã kamiõi, ani haguã oiko inconveniente ha omohenda porãve control.
- Rema’ẽ porã umi cartel indicador ha umi policía odirigíva desvío kuéra.
- Oiméramo reʼu raʼe vevída, ejejure peteĩ nde angirũ tomaneha.