Asunción, Agencia IP.- Kuehe, Tetã Rekuái oikuaauka ojapotaha peteĩ feria tuicha umi ojeporekáva hembiaporã. Ojejapota ko’ẽrõ Secretaría Nacional de Deportes-pe. Avei, omoñepyrũ peteĩ portal hérava “Emplea Py” oipytyvõva umi ojeporeka hembiaporã, oheja arã idato kuéra.
Motenondehára Mba’apo rehegua (MTESS) Mónica Recalde, he’i ko portal pyahu oheka ombojoaju umi ohekáva tembiapo ha umi empresa ojeporekáva mba’apohára.
“Ha’e peteĩ plataforma ikatúva oipuru umi ohekáva hembiapo peteĩha, péva umi tembiapo ome’ẽséva ikatúma he’i ñandéve mba’eichagua experiencia-pa oikotevẽ”, he’i.
He’i avei ko feria ojejapóta ko’ẽrõ 8:00 aravo guive 14:00 aravo peve, oĩtaha 2.500 vacancia, ojeporekávo 85 empresa kuéra.
Umi oipotáva ojentrevista chupekuéra feria-pe, ojeregistra arã portal Emplea Py-pe ha ojerure arã umi tembiapo ojeguerekóva.
“Haimete 10.000 yvypóra oike kuehe ko portal-pe, ha’éva peteĩ tembiapo rojapo’akue Tembiporu Marandu ha Iñemoasãirã Motenondeha (Mitic) ndive. Roipota umi 10.000 yvypóra ojeregistrava’ekue oike ko portal-pe ha ojeporeka hembiaporã iperfil de trabajo ha experiencia laboral ryepýpe”, he’i Motenondehára Mba’apo rehegua.
Avei, Viceministra Comunicación-gua Mitic rehegua, Alejandra Duarte, he’i ko tembiapo ojejapóva ambueinstitución ndive ojejapo hag̃ua ko plataforma “omoaguĩ paraguayo-kuérape empresa-kuéra ndive”.
“Rojeporekáva ko portal-ndi ha’e rojapo chugui ihasy’ỹva ikatuháicha. Peteĩ ohejáramo idato kuéra, ohechaukáma chupe opaite dato oikotevẽva oikuaa. Pearã ojeipuru hína dato kuéra oguerekóva Tekombo’e ha Tembikuaa Motenondeha (MEC), Instituto Previsión Social rehegua (IPS), Identificaciones ha ambue.
Avei, Jeporomomba’apo ha Tetãygua Jeikoporã Motenondehára (MTESS), Verónica López, he’i ko’ẽrõ umi representante 85 empresa-gua oiméta hikuái ojapo hag̃ua entrevista.
“Umi ohóta entrevista-pe roipota oñembosako’i haguã hikuái, mba’épa he’ita, mba’e porã orekóva ha mba’ére pe empresa ome’ẽ arã peẽme pene rembiaporã”, he’i.
Ko feria ndojesuspendei oky ramo, ha ojehecha hína ikatu ojegueraha umi ohóva Avenida Eusebio Ayalaguive Polideportivo SND peve, ikatu hag̃uaicha umi postulante kuéra ohóva colectivo-pe oguahẽ porã.